Panqueiques

Esta é unha deliciosa receita para comezar o día con forza ou para unha merenda especial. A miña recomendación, acompañalo con todo o que haxa na neveira: marmelada, mel, sirope, tona, leite condensado, crème fraîche, froita, nocilla…

Ingredientes:

• 150g de fariña
• 8g de lévedo (1 cullerada sopeira)
• 1 cullerada sopeira de azucre
• Un chisco de sal
• 200ml de leite
• 1 ovo
• 1 culleradiña de postre de manteiga

Elaboración:

1. Nun bol xuntamos os 4 ingredientes secos e mesturamos.
2. Noutro recipiente poñemos o ovo, o leite, a manteiga derretida e batemos.
3. Vertemos o líquido pouco a pouco mentres remexemos até eliminar todo grumo.
4. Nunha tixola quente, verter no centro. Dar a volta cando comecen a subir burbullas e retirar despois duns 10 segundos.

Non esquezas…

Preparar uns deliciosos PAMPENES cos últimos restos da masa!

FONTES:

Receitas de escándalo