Torrada Hawai

Pizza con piña ou sen piña? Esa non é a cuestión. A pregunta é: cando facemos unha maratón de ✨Hawaii 5.0✨??

Esta é unha receita que atopei nun blogue por casualidade, e que ao parecer é coñecida na Suíza. Sexa como for, valeu a pena probalo, e é unha cea ideal para tomar pensado en Alex O’Loughlin.

Ingredientes (saberá mellor se son de calidade):

• 2 rebandas de pan (de molde)
• 2 rodas de piña
• 2 liscos de xamón cocido
• 2 talladas de queixo gouda ou emmental
• Aceite de Oliva (ou manteiga)
• Pimentón doce
• Pimenta

Elaboración:

1. Prequecer o forno a 200°C.
2. Pintar o pan co aceite ou a manteiga e douralo 3 minutiños, torrándoo só un pouco.
3. Enxugar a piña ben.
4. Colocar sobre o pan o xamón, enriba a piña e cubrir co queixo.
5. Dar un toque de pimenta e pimentón (non moito pois pode queimarse).
6. Fornear até fundir o queixo e rematar con máis pimentón.

Receita de: directoalpaladar