A Pizza da Madriña

A pizza é coma o fascismo: inventouse en Italia e encántalles aos americanos. E en ningún dos dous quedan ben as xudías.

Chega a noite e non tes plan mellor ca tirarte no sofá a ver unha peli… ou non! No tempo que invitas a un par de amigos, deixa levedando esta masa e sorpréndeos cun prato do que todos gostan, mais co teu toque especial.

Ingredientes:

• 1 vaso de auga
• 15-20g de lévedo fresco ou a metade se é seco
• Fariña de trigo
• Aceite de oliva
• Un chisco de sal
• Tomate
• Alfábega (opcional). A RAG non recolle termos para referirse á albaca 😦
• Ourego (opcional)
• Queixo relado ou como prefiras
• Os extras que ti desexes

Elaboración:

1. Activamos o lévedo disolvéndoo nun vaso de auga quente (fría se o lévedo está conxelado).
2. Vertémolo nun bol, botamos un chorro de aceite e un chisco de sal.
3. Agora imos engadindo fariña mentres removemos. Como non sei as proporcións, temos que ir engadindo a ollo, até que non estea tan pegañenta.
4. Amasamos e despois deixámolo levedar por media ou unha hora.
5. Unha vez levede, NON a imos volver amasar, pois afundiriamos a masa. Simplemente a deitamos na bandexa do forno (con papel de forno ou fariña) e imos estirando coas mans.
6. Coa axuda dun relador fino, desfaremos o tomate nunha cunca cun pouco de sal e alfábega.
7. Botamos a salsa de tomate recén feita, o queixo, os extras que desexemos e o ourego.

Non esquezas…

Que unha pizza pode levar de todo (ou case). Xamón cocido, xamón serrano, tomate, atún, polo, PIÑA… e un montón de diferentes queixos con nomes rimbombantes que deixarían a un babeando só de ouvilos. Ademais, cando a saques do forno sempre lle podes dar un toque fresco con albahaca ou rúcula.