O KFC n0n qu3Rε Quξ s4ibAs iSt0!!¡¿!
Quizais non me creas cando digo que as mellores ás de polo que tomei nunca foron as que eu mesmo me preparei, pero si: están boísimas! Ademais, tampouco leva tanto tempo e son moito máis sas.
Ingredientes:
- 10 ás de polo (poño 10 porqu é bonito, pero ti merca as que vexas)
- 500g de fariña
- Leite e auga
- Pimentón doce, curry en pó, pementa, … ti bota as especias que vexas. Eu tamén empreguei sazonador para patacas asadas, especias italianas e a saber que máis.
- Aceite
- Sal
Elaboración:
- Mesturamos a fariña co sal e coas especias: non te cortes, bótaas a culleradas, que nunca sobran. Separamos a metade para rebozalas logo.
- Coa outra parte imos marinar as ás: vertemos un vaso de leite e, mentres remexemos ben, imos engadindo auga aos poucos, até obter unha mestura nin moi líquida nin moi espesa.
- Cortamos as ás separando o musliño da á.
- Metémolas no bol coa mestura líquida, tapamos cun film e deixámolo na neveira unhas horas, collendo sabor.
- Mentres quecemos abondoso aceite nunha tixola, imos rebozando o polo. Cando estea ben quente, fritimos: primeiro ben co lume alto, logo baixamos un pouco por uns minutos e volvemos subir ao final (o normal é que necesitemos varias tandas para facer toda a carne).
- Para finalizar, retiramos e deitámolas sobre papel absorvente para retirar o exceso de aceite.
Non esquezas…
Que para acompañalas non tes por que facer obrigatoriamente patacas fritidas: podes facer unhas patacas ao forno, ou boniato, cabaza ou a verdura da que máis gostes.
As Receitas do Artur 