Tortellini

A que se parece medio tortellini? Ao outro medio.

Facer pasta rechea parece a cousa máis complicada do mudo pero non o é. Se fas coma min e non te vés moi arriba co recheo, podes facelo axiña e sen moito esforzo. E dende logo está mil veces mellor ca a precociñada do supermercado!

Ingredientes:

• 100-150g de Fariña por persoa
• 1 ovo por cada 100g
• Recheo (aproximadamente a mesma cantidade ou máis ca de pasta)

Elaboración:

1. Comezamos mesturando ovo e fariña moi ben, e logo amasando un pouco. Antes de estirala deixámola repousar polo menos media hora na neveira, envolta en film.
2. Nunha superficie ampla, estendemos a masa coa axuda dun rolete. Debe quedar moi fina (de termos unha máquina destas para facer láminas de pasta podemos empregala tamén).
3. Cortamos en discos duns 8cm de diámetro.
4. Para que pegue mellor a pasta, humedecemos o bordo (ou podemos usar un pulverizador para humedecer o disco enteiro).
5. Despois, poñemos recheo dentro do recortado e dobramos coma facendo unha empanadilla. Apretamos moi ben os cantos, para que logo non escape nada.
6. Por último dobramos xuntando as 2 puntas e volvemos presionar.
7. Para cociñar só é preciso botalos en auga con sal fervendo, e cociñalos por uns 15 minutos ou menos a lume medio.

Non esquezas…

Hai miles de posibles recheos, dende os máis básicos e efectivos coma gorgonzola con noces, pasando polas espinacas con ricota e ata unha boa cabaza ou boniato doces. Ademais, como toda pasta, unha rica salsa nunca lle vai facer mal.